Au moment où la tension politique semble plus que jamais vive, voir une personnalité telle que le pasteur Lala Rasendrahasina, président de la FJKM, parmi les têtes pensantes de la réconciliation nationale menée par le FFKM, convoquée par la police devient très vite un sujet d’actualité.

Le fait que ce n’est pas la première fois que le président de la FJKM a eu maille à partir avec les forces de l’ordre, a en quelque sorte vite fait de dramatiser la situation. L’après-midi du 17 mars 2009 à l’Episcopat d’Antanimena n’est plus à remémorer. Du coup, quand une personne connue dans le milieu « politique » est convoquée par la police,  il y a de quoi s’interroger. De plus, plusieurs témoins ont vu  Lala Rasendrahasina se rendre au commissariat central à Tsaralalana, hier.

Nul n’est au-dessus de la loi et tout citoyen digne de ce nom mérite de recevoir une convocation émanant des forces de l’ordre en cas d’infraction. Mais la présence du pasteur au commissariat a étonne plus d’un. L’information s’est répandue comme une trainée de poudre sur les réseaux sociaux.

Illustre inconnue derrière une vitre fumée

A l’origine de la convocation, le pasteur Rasendrahasina dans son véhicule 4×4 a fait l’objet d’un contrôle inopiné par un agent de la police du côté d’Ankorondrano. Joint au téléphone, le président de la FJKM a déclaré que « Je ne sais pas si cela s’appelle une convocation mais effectivement j’ai été invité à me présenter au commissariat. Un agent de police responsable de la circulation a effectué un contrôle de routine constatant les vitres fumées de mon véhicule. Etant donné que les véhicules à vitres teintées ou fumées nécessitent une autorisation spéciale et que l’agent en question ne me connaissait pas, il m’a demandé de rejoindre le poste de police afin de régler le problème avec ses supérieurs ».

Le chef d’Eglise au sein du FFKM a alors obéi et rejoint le commissariat central. Selon ses explications, les forces de l’ordre procèdent actuellement à un contrôle systématique des voitures à vitres teintées ou fumées. Insécurité oblige. Pour dire que le document autorisant les vitres fumées doit figurer parmi les papiers du véhicule. Le cas échéant, les forces de l’ordre sont dans l’obligation d’emmener le conducteur à la centrale de police.

Suite à cette convocation et après une heure d’entretien, le pasteur Lala Rasendrahasina a été invité à se régulariser auprès du département des transports.

Nadia

Réconciliation et collaboration      

Profitant de cette discussion téléphonique, le pasteur Lala Rasendrahasina a touché mot de la réconciliation  nationale, pour expliquer où en est le processus. D’après lui, les prochaines démarches dépendront de la mise en place du nouveau Conseil pour la réconciliation nationale (CNR) mais surtout de l’adoption du projet de texte sur la réconciliation nationale.

« Certains des concepts et des recommandations lors des assises nationales d’Ivato en 2015 ont été repris par le comité d’experts dans l’élaboration du texte sur la réconciliation nationale, remis en novembre dernier au président de la République. Le FFKM n’a pas encore eu vent de ce texte, cependant nous savons que la question de la concrétisation de la vraie réconciliation a été mise en exergue. Parmi les sujets abordés l’indemnisation des victimes, leur réinsertion… ».

Ce texte sera soumis à l’adoption des parlementaires durant les prochaines sessions. D’après le chef d’Eglise, une coopération entre le FFKM et le CNR est concevable après la mise en place de ce dernier. Cependant, le FFKM n’envisage pas d’intégrer cette structure. « Il ne nous convient pas de faire partie du Conseil d’autant que ses membres seront sûrement désignés », a conclu le pasteur Lala Rasendrahasina.

Le « kere », c’est quoi ? Et le Sud, c’est où ? Sans plaisanterie aucune, ces questions peuvent se poser, méritent même d’être posées, ne serait-ce que pour conscientiser l’opinion. Parce que dans cette partie de la Grande île où la famine sévit, l’on doute bien que l’on accorde à la population autochtone la moindre attention, qu’elle mérite pourtant. En vérité, cela fait des décennies que la région Androy et ses environs se trouvent dans une situation de précarité alimentaire préoccupante – le cas des années 1990 reste encore gravé dans la mémoire –  mais rien n’a encore changé depuis.

Un atelier de 48 heures est certes prévu dans quelques jours à Ambovombe, pour tenter de trouver autour d’une table la solution à ce problème récurrent et qui perdure sur le terrain, dans le Sud de Madagascar. Mais on ne peut espérer que le miracle se produise à l’issue de ces deux jours de concertation alors qu’il n’a jamais eu lieu depuis plus de 25 ans. Au contraire, l’on peut imaginer qu’il ne s’agisse que de l’une de ces stratégies d’attendrissement pour amadouer les observateurs.

Presque chaque année, depuis les années 90, des opérations-téléthon sont organisées en faveur de la population du Grand Sud, victime de la famine. Des sommes d’argent importantes et des milliers de tonnes de vivres sont collectés, pourtant le « kere » persiste. Effectivement, les aides sont loin d’être une solution pérenne à une situation de difficulté qui perdure. Mais les détournements des aides au profit de tierces personnes, dans une situation pareille, ne sont pas non plus à écarter. Cela n’étonnerait pas parce que nous nous trouvons dans un pays où les opportunistes se trouvent un peu partout.

 Mais il n’y a pas que les simples citoyens qui peuvent profiter de la situation de famine dans le Sud de Madagascar. Les politiques ne sont également pas en reste. Récemment, cette partie de la Grande île a été le théâtre d’un défilé de politiciens qui cherchent à faire bonne impression auprès de la population. Pour ces politiciens, c’est une occasion en or pour hausser leur cote de popularité. Et croyons nous, cette opération de charme est encore loin de toucher à son terme. Au contraire, cela ne fait que commencer, car l’enjeu est… de taille.

 Enfin, comment peut-on imaginer qu’on ait le cœur qui batte pour la population du Sud de Madagascar, alors qu’on se trouve à environ 1 000 km de cette famine, dans la capitale. N’a-t-on pas dit que loin des yeux, loin du cœur ? Ici, aussi bien pour la population lambda que pour les dirigeants, les préoccupations sont toutes autres. Embouteillages, inondations, coupures d’électricité pour le peuple, remaniement gouvernemental et lutte pour le pouvoir pour les dirigeants… et la liste est loin d’être exhaustive.

Vonjy M.

 Nilaza ny tsy handefitra fa hanenjana ! Mitohy ny hetsika fitakin’ireo eo anivon’ny mpiasa mivondrona ao amin’ny Sendikàn’ny mpiasan’ny kaominina Antananarivo Renivohitra. Nanome 48 ora ny fiadidiana ny Tanàna izy ireo mba hijery vahaolana haingana.

Nilaza ny hiroso amin’ny hetsika, tsy mbola voafaritra ny Sendikàn’ny mpiasan’ny kaominina Antananarivo Renivohitra ahitana ireo mpiasa ECD, raha tsy voavaha ny olana maromaro notanisain’izy ireo. Nanome hatramin’ny 48 ora hikaroham-bahaolana sy fihaonana momba izany izy ireo. Anisan’ireo teboka telo takin’ity Sendikà ity ary hovahan’ny ben’ny Tanàna sy ireo mpiara-miasa aminy ny ho aorian’ny fahavitan’ny fifanarahana momba ny asa. « Tsy fantatra ny hoavinay rehefa tapitra ny telo volana, izany hoe amin’ny volana marsa… Takinay ny hampitsaharan’ny orinasa iray mitantana ny toeram-piantsonana (parking) eto an-dRenivohitra ny asany satria mampiditra volabe ho azy nefa zara raha misy ho an’ny kitapom-bolan’ny kaominina », hoy ny filoha lefitry ny Sendikàn’ny mpiasan’ny kaominina Antananarivo Renivohitra, Andriantsoa, omaly tamin’ny mpanao gazety.

Efa dinihina ny antontan-taratasin’ireo ECD 

Anisan’ny tsy mazava amin’izy ireo ny fihetsiky ny mpitantana hanala mpiasa nefa mbola hampiditra mpiasa ihany avy eo. « Fandroahana tafahoatra sy tsy fanajana ny zon’olombelona izao », hoy ihany ireto mpiasa ECD ireto.

Tsy vitan’izany, nilaza ho tratry ny jadona sy ny fampihorohoroana ireo mpiasan’ny CUA, indrindra ny eny anivon’ny boriborintany. « Anisan’izany ny fanomezana fangataham-panazavana (DE) ireo namana mpitolona », hoy ihany izy.

Etsy andaniny, mazava ny valin-kafatry ny tompon’andraikitra ny kaominina fa diso lalana ireo mpiasa sady tsy mitombina ny fitakiana. « Efa ao anatin’ny fijerena ny antontan-taratasin’ireo mpiasa horaisina hiasa izahay izao. Efa tapitra ny fifanarahana ary misy fotoany izany. Manana ny filàny rahateo ny CUA ka ireo mpiasa ilainy ihany no horaisina », hoy izy.

Mizarazara sy tsy mitovy hevitra ireo mpiasa

Vitsy rahateo ireto mpiasa manao hetsika ireto noho ny fizarazarana sy tsy fitovian-kevitra eo amin’ny samy izy ireo. Ao ireo miandry am-pilaminana sy am-pitoniana ny handraisana azy ireo hiverina hiasa eo anivon’ny kaominina raha mikiry ny hanohy ny hetsika kosa ireo vitsivitsy.

Misy ambadika politika…

Hatreto aloha izany, tsy afa-bela amin’ny sakantsakana samihafa ireo kaominina telo : Antananarivo, Mahajanga ary Toamasina. Nandalo teo ny resaka fako, teto an-dRenivohitra.  Nisedra olana amin’ny karaman’ny mpiasa ny any an-drenivohitry ny faritra Atsinanana raha niharan’ny fidinana an-dalamben’ny mpivarotra ny any an-drenivohitr’i Boina. Ben’ny Tanàna ivelan’ny fitondrana avokoa ireo raha milamindamin-dratsy ny kaominina any an-kafa.  Azo antoka fa tsy misy ambadika politika na misy mpikarama an’ady  ?

Synèse R. 

Izay mihitsy ! Mampihetsi-po sy mamelombelona ny fitiavan-tanindrazana tokoa io hiran’i Naly Rakotofiringa io : … Madagasikara, ho an’ny malagasy… Azo sary an-tsaina ny firedaredan’ny faniriana tao amin’ny mpanoratra, tamin’ny fotoana nanoratany azy. Faniriana lalina ny hahatafita soa ny Malagasy : hiadana sy ho finaritra eo amin’ny tany efa nomen’Andriamanitra azy. Indrisy anefa…

Zary lasa fanontaniana io firariana io, ampolo taona maro aty aoriana. Tsotra ny antony, toa mampisalasala ny maha antsika ity Nosy ity. Efa be ny ranomainty nikoriana, nitanisa ny ataon’ny vahiny, namariparitra sy nanoritsoritra ary namefy ny tany nonenan’ny Malagasy, taranaka nifandimby, an-taonany maro.

Tsy rariny izany, hoy ireo mihevitra fa, na inona na inona, i Madagasikara anie ka ho an’ny Malagasy e ! Hitsiny kosa, ho an’ny mpanam-bola, manara-dalàna… lalàna novolavolaina tamin’ny andron’ny vahiny, mpanjanaka.

I Madagasikara, tsy an’ny mpanjanaka intsony. Efa mahaleo tena tanteraka izy, manana ny fiandrianam-pireneny. Malalaka amin’ny fisafidianana izay hitondra azy ny vahoakany. Toy izany koa ny rafitra hitantanana ny firenena, sns. Tsy azo adinoina, manana ny tenim-pireneny koa izy. Ampy hilazana ireo voalaza rehetra ireo fa mahaleotena ity Nosy ity ?

Izay rehetra toloran’ny vahoaka fahefana eto, tsy maintsy manana politika ankapobeny hoentiny hampandrosoana ny firenena. Izao anefa, tsy tokony hohadinoiny fa, raha te hiara-hiasa amin’ireo mpamatsy vola vahiny ny fanjakana malagasy, misy ny fepetra tsy maintsy arahiny ; fepetra toy ny sabatra roa lela, heverina hamelona nefa mety hahafaty ny vahoaka entiny.

Santionany amin’ireny fepetra ireny ny fanafoanana ny fanampiana na « subvention » ho an’ny sehatra sasany, toy ny fitaterana. Raha tanterahina izany, tsy afa-kizaka irery ny mety ho fiakaran’ny vidin-tsolika ny mpitatitra. Ho mora aminy ny hanamarina ny fampiakarana ny saran-dalana ary tsy misy afa-tsy ny valalabemandry no ho sahirana.

Malagasy ny mpitondra, Malagasy koa no entiny, saingy i Madagasikara, toa tsy an’ny Malagasy.

Landy Ratsimanetrisoa.

Resabe atsy amin’ny Nosy La Réunion ny mikasika ilay fanorenana arabe manaraka morontsiraka. Niakatra fitsarana ny raharaha amin’ny fanatanterahana azy ary misy tompon’andraikitra atsy La Réunion voarohirohy. Ankoatra izany, mahakasika an’i Madagasikara koa ity raharaha ity satria afarana avy aty amintsika, any Ambokatra Toamasina, ny hakana ireo vato haondrana any La Réunion, akora ilaina amin’ny fanaovana ilay lalana. Eto an-toerana anefa, tsy nisy tompon’andraikitra nilaza mazava mikasika ity raharaha ity. Nilaza tao amin’ny fampahalalam-baovao an-tsoratra, ny tale jeneralin’ny ONE fa fahazoan-dalana ara-tontolo iainana, hitrandraka eto an-toerana ihany no ananan’ilay orinasa mitrandraka ireo vato ireo, fa tsy ao anatin’ny fanondranana any ivelany.

Efa tamin’ny taona 2015 ny nitrandrahan’ilay orinasa ireo vato ireo any Ambokatra. Mandalo amin’ny lalam-pirenena ny akora tateriny, avoaka any amin’ny seranan-tsambon’i Toamasina.

Tafiditra ao anatin’ny fanjakana tan-dalàna

Tsy nisy taitra, tsy nisy nandray fepetra ny fanjakana sy ny tompon’andraikitra  eto an-toerana, na efa resabe sy mahoraka aza atsy La Réunion fa manjavozavo ity fanamboaran-dalana ataon’izy ireo ity.

Azo antoka fa tranga iray ity tsy fanarahan-dalàna eto Madagasikara ity. Tsy maintsy fantatry ny mpamatsy vola iraisam-pirenena anefa izany, satria arahiny akaiky ny fametrahana fanjakana tan-dalàna eto Madagasikara, mialoha ny hivoahan’ny famatsiam-bola avy any amin’izy ireo. Amin’ny lafiny politika, tsy nihevitra ny hanomana ny fametrahana ny Fitsarana avo manokana (Haute cour de justice)  ny mpitondra na nametraka fandaharam-potoana 12 volana, nanomboka tamin’ny fijoroana ara-dalàna aza. Nampahatsiahivin’ny Vondrona eoropeanina anefa izany, tamin’ny herinandro lasa teo.

Randria

Raikitra indray ny fihetsiketsehana nataona andian’olona miisa 12 eo ho eo tao amin’ny distrikan’i Betioky Atsimo, afakomaly. Araka ny fanazavana voaray avy any an-toerana, nahitana ny avy amin’ny ben’ny Tanàna, solontenan’ny Dinabe, raiamandreny, mpitondra resaka izay samy avy ao amin’ny distrikan’i Betioky Atsimo ireo mpanao fihetsiketsehana izay nanatona ny Prefet sy ny lehiben’ny Faritra Atsimo Andrefana. Nitondra taratasy sy antontan-kevitra izay nametrahan’izy ireo fangatahana miisa telo : ny tsy hanafoanana ny Dina ao amin’ny distrikan’i Betioky Atsimo, mitaky koa izy ireo ny hanesorana ny lehiben’ny distrikan’i Betioky Atsimo, ny fampiharana ny Hazofotsy. Ny fangatahana voalohany ihany no nekena fa ny roa sisa kosa miandry ny fahatongavan’ny linisitry ny Atitany any an-toerana, raha ny fanazavana hatrany. Andrasana, araka izany, ny tohin’ity raharaha ity.

J.C

 Taolam-paty milanja 32 kg saron’ny zandary avy ao amin’ny borigadin’i Maevatanana, ny alahady teo tao amin’ny fokontany Andranobevava Antanimbary, distrikan’i Maevatanana. Araka ny fanazavan’ny zandary, raim-pianakaviana iray no tonga nampilaza tao amin’ny sefom-pokontany ao Antanimbary fa nahita taolam-paty marobe ao anaty tatatra, 1 km atsinanan’ny tanàna. Nampilaza tamin’ny zandary avy hatrany ilay sefom-pokontany, nidina teny an-toerana ny zandary taorian’izay ka hita tao anaty tatatra tokoa ireo taolana marobe. Taolan-dava miisa 67 sy fohy miisa 45 no hita nandritra ny fizahana nataon’ny zandary.

Tsy mbola fantatra rahateo ny fasana nakan’ireo mpangalatra ireto taolana ireto. Tsy mbola nahenoana trangana vaky fasana rahateo tany an-toerana.

Tsy mety ho fongana mihitsy ity halatra taolam-paty ity fa vao mainka mirongatra tato ho ato, na an-drenivohitra izany na any amin’ny faritra. Efa tambajotra goavana rahateo ny ao ambadik’izy ity, saingy tsy fantatra marina hatreto izay anaovana azy ireny.

Mitohy, araka izany ny fanadihadiana ataon’ny zandary momba ny fahitana ireto taolam-paty.

J.C

Ankizivavikely 10 taona maty voahosin’ny môtô teny Anosibe, omaly antoandro. Voalaza fa nandeha mafy ilay môtô ka nahafaoka tampoka ilay ankizivavikely. Nentina haingana teny amin’ny hopitaly ilay niharam-boina, saingy nitsoaka tampoka teny an-dalana ilay mpitondra môtô nahavanon-doza.

Raim-pianakaviana iray hita faty tao anaty taksiborosy iray avy any Toamasina raha hihazo an’Antsirabe, afakomaly.  Tsy fantatra marina izay antony nahafaty azy fa izy efa tsy mihetsika intsony no nahataitra ny olona. Nihevitra ny olona niray fiara taminy fa matory izy, kanjo efa tsy nisy aina intsony.

Pasitera iray niala tao amin’ny fiangonana FLMN ao Tanambao ity Pasitera ity ka neken’ny fiangonana Tocoista ao Ampasikibo Avaratra ho mpikambana ao amin’izy ireo. Nitranga ny olana raha nomen’ny fiangonana fahazoan-dalana vonjimaika izy nandritra ny filan’ny fiangonana tany hanorenana trano.  Nampiasany ireo taratasy nomena azy ka nosoratany tamin’ny anarany ny tany nanorenana ilay trano fiangonana. Araka izany, nitory ny fiangonana ka naiditra am-ponja ity pasitera sandoka ity kanefa nahazo famotsoran-keloka vonjimaika amin’izao fotoana izao. Telo volana ny mpiangona no tsy tafiditra tamin’io fiangonana io satria bodoin’ity pasitera ity io toerana io. Efa nidina inefatra teny an-toerana ny avy ao amin’ny distrika fa mbola mizirizy izy tsy miala ao ka velon-taraina ny fiangonana ka atahorana hanao hetsika hiditra an-keriny ao amin’io fiangonana io noho ny zava-misy amin’izao fotoana izao. Ny Fiangonana Tocoista, antsoina ihany koa hoe “Eglise de notre seigneur Jésus Christ dans le Monde” izay nandika tamin’ny teny gasy hoe “Fiangonan’Andriamanitra Jesosy Kristy Maneran-tany” Tsy mahazatra ny sofin’ny olona ity fiangonana Tocoista ity. Marihina fa manana ny foibeny any Angola ny fiangonana Tocoista  izay nahazo alalana  mazava hiorina eto Madagasikara ny taona 2012 noforonin’ ny Rev. Bravo Jean Bosco.

CMS

 Nitohy, omaly indray ny fikarohan’ny mpamonjy voina ny fatin’ilay ankizivavikely 10 taona natelin’ny rano teny Ankadindramamy, ny alahady teo. Efa nampiasana fomban-drazana, nametrahana vatan’akondro teo amin’ny toerana nilatsahan’ilay zaza nefa tsy nisy vokany izany…

Efatra andro izay ny nikarohana ny fatin’ity ankizivavikely 10 taona niharam-boina ity, saingy tsy nahitam-bokany izany. Hatramin’ny ora farany nanoratanay omaly, tsy mbola hitan’ny mpamonjy voina ny fatiny. Nanao izay ho afany tamin’ny fahaiza-manaony tamin’ny alalan’ny fampiasana ny fitaovana teo am-pelatanany izy ireo nefa tsy hita popoka mihitsy ilay niharam-boina. Nampiasaina ihany koa ilay fomban-drazana tamin’ny alalan’ny fametrahana vatan’akondro teo ambony rano mba hampitsingevana ny fatiny. Tsy nipoitra mihitsy anefa ny fatiny. Isan’ny mampanano sarotra ny fikarohana ny razana ihany koa ny fisian’ireo honahona sy tsikafona eo amin’ilay rano, araka ny fanazavana voaray hatrany.

Tsiahivina fa ny alahady teo ilay ankizivavikely no lasan’ny rano. Niroso tamin’ny fikarohana ny fatiny ny olona roa tsara sitrapo, afakomaly, saingy namoy ny ainy koa satria tafalentika tao anatin’ilay lakandrano.

Nohamafisin’ny sefom-pokontany ao an-toerana, Rakotondrasoa Albert fa tsy ampy ny fivoahan’ny rano hany ka lasa toerana fivarinan’ny rano maloto avy any amin’ny faritra ambony ity toerana namoizana ain’olona ity. Mihandrona eo amin’ity toerana ity avokoa, araka izany, ny rano maloto rehefa fahavaratra toy izao. Nohamafisiny fa tsy ampy ny fivoahan’ny rano maloto.

J.C

Efa mandeha ny fifandresen-dahatra mangina eo amin’ireo depiote amin’ny hanolorana ho praiminisitra. Anisan’ny anarana mandehandeha Rajaonary Eric, Paraina Auguste, Horace Constance, Atallah Béatrice… Mikononkonona ny hanao fitsipaham-pitokisana ny goverenamnta koa ireo depiote.

Ankoatra izany, mety ho tonga amin’ny fanovana governemanta ny tsy famelana ireo minisitra hivoaka any ivelany.

Nambaran’ny minisitry ny Raharaham-bahiny, Atallah Béatrice, omaly tao amin’ny RNM, fa efa eo am-pandinihana ireo hotendrena ho ambasadaoro ny filoham-pirenena. « Tompon’ny teny farany izy ka inoana fa tsy ho ela intsony izany. Na izany aza, mila mandinika lalina satria ho solontenan’ny filoha sy ny firenentsika izany ambasadaoro izany », hoy izy. Tsiahivina fa telo sisa ireo firenena ananantsika ambasadaoro fa sahanin’ny mpiandraiki-draharaha avokoa ny sisa.

Andrasana ny fiantsoan’ny governemanta ny fivoriana tsy ara-potoana hataon’ny Antenimiera roa tonta, ny Antenimierampirenena sy ny Antenimierandoholona. Izay ny amin’ny  fandinihana sy fandaniana ny volavolan-dalàna momba ny fananganana ny Filankevitry  ny fampihavanana malagasy (FFM) amin’ny rafitra sy endrika vaovao.

Tapitra amin’ny volana marsa ho avy izao ny fe-potoam-piasan’ny FFM, izay najoro tamin’ny  alalan’ny tondrozotra. Efa eo an-tanan’ny governemanta ny volavolan-dalàna mifehy ny FFM vaovao. Araka izany, andrasana ny fandaniana azy eo anivon’ny filankevitry ny governemanta sy ny filankevitry ny minisitra mba hahazoana manolotra izany amin’ireo Antenimiera roa tonta.

Manana izay mampiavaka azy ny FFM vaovao

Ny tena hevi-dehibe ao anatin’io volavolan-dalàna io: ny amin’ny famotsoran-keloka, raha ny fanazavan’ny avy amin’ny komitin’ny manampahaizana nandrafitra ny volavolan-dalàna, Zakariasy Patrick. Teo aloha, mametraka ny fanomezana famotsoran-keloka ny fitsarana tampony momba izany. Amin’io volavolan-dalàna io, manome soso-kevitra ny fitsarana tampony momba ny famotsoran-keloka, fa manapa-kevitra ny FFM.

Teo aloha, 44 ny mpikamban’ny FFM: roa isaky ny faritra. Be loatra, angamba, izany ka sarotra ny fanatanterahana asa. Teo koa ny olana amin’ny fitaovana sy ny vola enti-miasa. Nahena ho 18 ny isan’ny mpikambana: roa isaky ny faritany, miampy enina atolotry ny filohan’ny Repoblika ka iray avy isaky ny faritany.

R. Nd.

Resaka mandeha… Hisy ihany ve ny fanitsiana ny lalàmpanorenana? Tsy moramora ny raharaha.  

Mandeha ny resaka ny amin’ny mety hanitsiana ny lalàmpanorenana. Paipaika sy kajikajy politika? Efa natsidiky ny filohan’ny Antenimierandoholona, mpahay lalàna, Rakotomanana Honoré, tamin’ny nandraisany andraikitra fa tokony hisy ny fanitsiana ny lalàmpanorenana. Hanao ahoana?

Misy ny mahita fa fomba hanilihan’ny fitondrana izay heveriny ho mpifanandrina politika atahorany amin’ny fifidianana filohan’ny Repoblika, taona 2018, izay fanitsiana lalàmpanorenana izay. Tsy olana loatra ny amin’izay votoatin’ny fanitsiana, na mety hampisy adihevitra tokoa aza.

Mila fitsapan-kevi-bahoaka ny fanitsiana lalàmpanorenana

Na ahoana na ahoana, tsy vitavita ho azy toy ny teo aloha ny fanitsiana lalàmpanorenana: tena ilaina ve? Tsy misy fanitsiana azo atao amin’ny lalàmpanorenana na iray aza, raha tsy hita fa tena ilaina, araka ny And. 161. Tsy azo anaovana fanitsiana ny faharetana sy ny isan’ny fe-potoana iasan’ny filohan’ny Repoblika, araka ny And. 163.

Raha toa ka hita fa tena ilaina ny fanitsiana, anjaran’ny filohan’ny Repoblika no manapaka eo amin’ny filankevitry ny minisitra, na ny Antenimiera amin’ny alalan’ny latsabato misaraka izay nolanin’ny roa ampahatelon’ny mpikambana no manao izany, araka ny And. 162 amin’ny lalàmpanorenana.

Lazain’io And. 162 io ihany fa tsy maintsy ankatoavin’ny telo ampahefatry ny mpikambana ao amin’ny Antenimierampirenena sy ny Antenimierandoholona ny volavola na tolo-kevitra fanitsiana. Aroso amin’ny fitsapan-kevi-bahoaka izany volavola na tolo-kevitra izay nankatoavina.

Mitady fahamarinan-toerana sy fitoniana politika ny fitondrana amin’izao… Na ho tratra izany na tsia: tsy manome ny filohan’ny Repoblika ny zo hanao fanitsiana ny lalàmpanorenana ny fahefana manokana ananany ao anatin’ny fisehoan-javatra mampihotakotaka na savorovoro politika, araka ny And. 163.

Ho voahaja sy ho tratra ve ireo fepetra ireo?

Ho tratra ve, ohatra, ny hoe mila telo ampahefatry ny mpikamban’ny Antenimierampirenena amin’ny fankatoavana ny volavolam-panitsiana? Mbola havitrika amina kilalao politika amin’ny alalan’ny fitsapan-kevi-bahoaka toy izany ve ny olom-pirenena? Eny, na hoe lany avokoa aza izay aroso eo. Tsy ho moramora ny raharaha.

R. Nd.

Nanome fanazavana ny minisitry ny Tontolo iainana, Ralava Beboarimisa, mikasika ireo trafika andramena sy harena voajanahary maro tratra tany ivelany. Vonona hanohana antsika ny fanjakana amerikanina hiadiana amin’ny tambajotra iraisam-pirenena. Efa niasa nanomboka tamin’ny taona 2015 ny kabinetra momba ny lalàna manokana avy any ivelany, miara-miasa amin’ny fanjakana, hijery akaiky ireo antontan-taratasy amin’ireny trafika ireny sy ny mikasika ireo olona mpanao azy, eto an-toerana sy any ivelany.

Araka izany, nametraka fitoriana any amin’ny fitsarana frantsay ny ministra sy ilay kabinetra iraisam-pirenena. Nambarany koa fa manaraka akaiky ny antontan-taratasy raharaha mikasika ny fanondranana soavalindriaka ny fanjakana. Misy anefa ny tsiambaratelo tsy afaka avoaka, amin’ny fanadihadiana, ka ho hita eo ny tohiny.

Tsy laharam-pahamehana ny hivarotana ny andramena

Taorian’ilay fandavan’ny Cites ny soso-kevitr’i Madagasikara hanaovana tolo-bidy iraisam-pirenena hivarotana ny tahiry nogiazana, nilaza ny minisitra fa tsy laharam-pahamehana ny hivarotana azy ireo fa ny fiarovana. Mbola misy ny tahiry miafina sy any am-pelatanan’ny mpandraharaha, fa ireo tratra saika havoaka an-tsokosoko nogiazan’ny fanjakana ireo bolabola 27.725 voaisa. Manoloana ny tsikera nataon’ny sendikàn’ny ala Scofafor, milaza fa misy tahiry bolabola andramena 5.000 tsy hita, “tokony mamoaka porofo sy manamarina izany izy ireny ary mila manome vahaolana, fa tsy hionona amin’ny fitsikerana fotsiny…”, hoy ny minisitra.

Njaka A.

Nambaran’ny eo anivon’ny filankevi-pilaminan’ny Firenena mikambana (ONU) fa nodimandry, omaly teo amin’ny faha-93 taony ny  sekretera jeneralin’ny Firenena mikambana (ONU) teo aloha, Boutros Boutros-Ghali.  Nisahana izany andraikitra izany teo anelanelan’ny taona 1992 hatramin’ny 1996 ny tenany. Teratany ejipsianina sady diplaomaty ny tenany ary hany afrikanina nisahana izany andraikitra lehibe izany voalohany teo anivon’ny ONU.

Nampiavaka azy ny tsy nifidianan’ny Amerikanina azy sy nisintahan’izy ireo tsy handatsa-bato ho an’ity sekretera jeneraly afrikanina ity tamin’izany. Narisarisa ny fifandraisany amin’ny fitondran’ny filoha amerikanina, Bill Clinton, ary notoherin’i Etazonia mihitsy aza ny mbola nilatsahany hofidina fanindroany hisahana izany andraikitra izany.

Tsiahivina fa praiminisitra lefitra misahana ny Raharaham-bahiny ejipsianina ny mey 1992 i Boutros Boutros-Ghali nialoha ny naha sekretera jeneralin’ny ONU azy. Anisan’ny nandray anjara tamin’ny fanelanelanana ny fifanarahan’i Camp David teo amin’i Ejypta sy Israely tamin’ny fotoan’androny izy.

Synèse R.

Mizara ny traikefany amin’ny Malagasy ny manampahaizana iadiana ny trafika ala sy ny biby. Hatreto tokoa, tsy mbola nisy naiditra am-ponja ireo tena voasazy sy atidoha.

Tonga eto Madagasikara ny manampahaizana vahiny, George Rios, avy amin’ny Firenena mikambana miady amin’ny herisetra sy ny zava-mahadomelina (ONUDC). Lohahevitra noraisina amin’ny atrikasa natao, omaly teny Ambatobe, ny ady amin’ny trafika ala sy ny biby eto Madagasikara. Nambaran’ny minisitry ny Tontolo iainana, Ralava Beboarimisa, nandritra ny fanokafana ny fotoana, fa tanteraka ity fizarana traikefa ity taorian’ny fihaonan’ny filoham-pirenena malagasy sy ny tale jeneralin’ny Rafitra iraisam-pirenena misahana ny varotra biby sy zavamaniry ahina ho lany tamingana Cites tany ivelany.

Nitsangana ny vaomiera manokana

Nitsangana ny vaomiera iombonana ahitana ny rafi-panjakana eto amintsika, toy ny sampandraharahan’ny minisiteran’ny Tontolo iainana, ny zandarimaria, ny Interpol, ladoany, ny Banky iraisam-pirenena, ny WWF, hijery ny paikady hiatrehana ny trafika ala sy ny biby.

Nilaza ny minisitra, fa ilaina ny fiaraha-miombon’antoka amin’ny vondrona iraisam-pirenena, hikarohana famatsiam-bola, satria ilaina ny hoenti-manana. Ankoatra ny famaizana ireo mpanao trafika eto an-toerana, anisan’ny tanjona ny hanapotehana ny tambajotra hatrany an-tampony.

Anisan’ny trafika tena fantatra eto Madagasikara ny fanondranana andramena an-tsokosoko, sokatra, soavalindriaka, sns. Tsy mbola nisy voasazy ny tena tompo-marika amin’izy ireny, ary navotsotra indray aza ny voarohirohy. Anisan’ny fepetra takin’ny mpamatsy vola iraisam-pirenena ny famaizana ny meloka.

Njaka Andriantefiarinesy

Nampahafantarina, ny zoma 12 febroary teo, ny fijroan’ny fikambanana Fivondronan’ny avara-pianarana hampandrosoana an’i Vakinankaratra. Nambaran’ny filohany, Randriamampionona Céléstin, fa maro izay fitondrana nijro teto amintsika izay, nefa  mijanona sy mijaly ao anaty fahantrana ny 85%-n’ny Malagasy. Tsy afa-bela amin’izany ny eto Vakinankaratra, izay tantsaha mpamboly sy mpiompy ny ankamaroany.

Tsy manana vina lavitra ezaka ny fanjakana amin’ny lafiny toekarena sy sosialy, hany ka difotry ny fitadiavana vahaolana ho an’ny fiainana andavanandro, sy ny fiarovan-tseza ny hetsika hataony.

Maro araka ny fotokevi-pampandrosoana sy  tanjona kinendrin’ity fikambanana ity. Fampiraisana ny terak’i Vakinankaratra, hitodi-doha hampandroso ny toerana niaviany. Hifampizara andraikitra sy hametraka tamberin’andraikitra. Hanentana ny vahoaka hiova toe-tsaina, amin’ny alalan’ny fametrahana ny rafitra « fokonolona » nasiam-panavaozana mifanaraka amin’ny toetrandro. Hovaina ny fomba fanaovana politika, ka atao tanjona ny fihavanana sy ny firaisankina hampandrosoana ny firenena.

Jeannot Ratsimbazafy

Hitohy ny fitotongana? Samy mandray fepetra sady maminavina ny hoavy avokoa ny mpisehatra sy ny mpanara-maso maneran-tany mikasika ny vidin-tsolika. Rah any omaly 16 febroary, manodidina ny 29 dolara ny vidin’ny iray barila eo amin’ny tsena iraisamè-pirenena.

Mahatonga ity fitotongan’ny vidiny ity ny hakelin’ny mpanjifa, izany hoe ny tinady miohatra amin’ny tolotra. Manoloana izany, nanapa-kevitra ny hampihena ny fampiasam-bolany amin’ny tetikasa vaovao hikarohana solika ny Total, araka ny nambaran’ny filoha tale jeneraliny (PDG), Patrick Pouyanné.

Raha ny vinavina nataon’ny Banky iraisam-pirenena, mety ho 37 dolara ny salam-bidin’ny solika iray barila amin’ity taona 2016 ity. Nihevitra sy naminavina ho 51 dolara ity banky ity tamin’ny volana oktobra 2015. Kely finoana amin’ny hihatsaran’ny vidin-tsolika ny tale jeneralin’ny kaompania britanika BP mandritra ny enim-bolana voalohany 2016.

Indroa nidina ny vidin-tsolika eto Madagasikara tamin’ity taona ity, saingy tsy nampiova ny vidin-javatra.

Njaka A.

Fa maninona no amin’izao vanim-potoana izao no hiresahana fanadinana ? Satria raha dila amin’izao ny fanomanana lasa rotoroto ka tsy misy antoka intsony. Ireto misy torohevitra vitsivitsy avy amina mpanabe nandinika manokana ny toetry ny tanora…

“Comment réussir à coup sur son examen?”. Io ny lohahevitra novoaboasin’i Isabelle Delacroix, mpanabe sady mpikaroka manokana momba ny toetry ny ankizy, ao anatin’ny voka-pikarohana nataony. Zava-dehibe notsindriany voalohany ny tsy fisian’ny fahagagana na koa “formule magique”, fa miainga amin’ny fiomanana avokoa izany. Araka ny nambarany, eo amin’ny fisasahan’ny telovolana fahatelo , farafahatarany, no tokony mametraka planina maty paika amin’izay ny mpanala fanadinana. Antony iray hizarana ny torohevitra amin’izao fotoana izao izany.
Voalohany, mila planina mazava, ahafahan’ny mpianatra manaraka akaiky ny famerenana hataony. Arakaraka ny fandroson’ny fianarana ny hanovana azy, isaky ny taranja.
Mila mifantoka. Mandritra ny “cours”  tena ilaina ny fifantohana, satria mampihena betsaka ny asan’ny atidoha mandritra ny famerenana izany. Mazava loatra fa tena ilaina koa io mandritra ny fanadinana.
Mianatra miaraka. Fomba fianarana vitsy mpanao izy ity, kanefa anisan’ny mahomby indrindra. Rehefa tafaraka roa na maromaro ireo mpianatra, misy ny fifampizarana sy fifanoroana ka mahazo toky kokoa izay somary taraiky amina taranja sasantsany. Tandremo anefa, fa raha vao tsy mifantoka na miara-mikivalavala dia lasa poizina io!
Manao fanatanjahantena, maka aina ary matory tsara. Tena misy ifandraisany ary manampy betsaka ny atidoha amin’ny fiasany ny fanatanjahantena. Mila ampivadiana amin’ny fianarana izany mandavan-taona, fa tsy rehefa ao anaty famerenana farany akory. Toraka izany koa ny fakana aina, rehefa rera-tsaina na rera-batana. Raha nanaraka ireo torohevitra voalohany, manam-potoana tsara hakana aina. Toraka izany koa ny torimaso, tsy azo atao ambanin-javatra aloha, mandritra ary aorian’ny fanadinana.
Farany, ny fiomanana ara-batana, ara-tsaina ary ara-materialy. Mila manara-maso ny fahasalamana mialoha ny fanadinana. Mila mivonona ny hiatrika koa ny saina, matoky tena ary matoky ny vita nandritra ny famerenana. Ny ambiny, ny fitaovana hampiasaina sisa…
Fampitandremana: Tsy azo mora ny fanadinana, ary raha sanatria ka misy tsara vintana afaka moramora foana, sahirana amin’ny dingana manaraka.

 Nitokona ny ampahany tamin’ny fiara mpitaritra ao anatin’ny kaoperativa  Avotra 162 mampitohy an’Analamahitsy sy Anosizato, omaly maraina. Nitangorona teny Betongolo toerana nanaovan’ny zandary fanadihadiana ny olona izay nisora-tena ho filohan’ny fikambanana, izy ireo. Notorin’ny mpikambana sasany ao anatin’ny Avotra ity rangahy iray ity fa nisalotra ny andraikitra ho filoha nefa tsy nisy teny nifampierana tamin’ny mpikambana sy ny mpampiasa fiara. Nalaina am-bavany teny Betongolo ny tenany nanomboka ny alatsinainy lasa teo ka niteraka ny fitokonana nataon’ny mpamily sy ny mpanampy azy sasany. Efa nivoaka izy, omaly maraina, ary nanambara fa tsy misy mpitantana aloha ny kaoperativa mandra-pahatonga ny fifidianana ny filoha vaovao.

Nanambara kosa ny olona nametraka ny fitoriana azy fa tsy misy idiran’ny mpamily sy ny mpanampy ny mpamily ny raharaha ka tsy tokony hanapaka ny asany izy ireo. Efa niverina nanohy ny asa fitaterana ny mpamily, ny antoandro.

Nampiantsoan’ny minisiteran’ny fitaterana ny roa tonta mpifanolana, anio, handinihana ny vahaolana maharitra amin’ny disadisa.

Fototry ny olana ny fandraisan’ny lehilahy iray izay « pointeur » tao anatin’ny kaoperativa ny andraikitry ny filoha rehefa maty ilay tena filoha. Tsy nanaiky ny mpikambana sasany ka nitory azy.

Vonjy